تحيا مصر,
هو ده حالنا لازم المصايب تحصل عشان نتحرك, و لما نتحرك اكيد كله تمام و زي الفل و حسب توجيهات معاليك!!!
الصور اللي انا حاططها دي بسبب ماسوره مكسوره (مياه شرب نقيه ميه في الميه و معبأه باحدث التكنولوجيا دون ان تلمسها يد)
الاسفلت اللي حضراتكم شايفينه من شهر يونيو الماضي فقط يعني بقاله 4 شهور فقط
و قبل ما الاسفلت يتحط, كان الاسفلت القديم اتجرف من سنه ماضيه اي يونيو 2009 , اه و الله
قعدنا سنه في الخراب ده كله و تراب و جو غير صحي و غير ادمي سنه كامله
و في الاخر الخير جه و الاسفلت معاه و الطريق اتسفل الحمد لله و احمدك يارب
لغايه من اسبوعين تقريبا و زي ما حضراتكم شايفين
الارض تخرج ماءً,
لو لم اعلم انها ماسوره مكسوره و متصلبه من 5 سنين( اشرت لها في تدوينه سابقه)
في الجهه المقابله من الشارع , مكان الحفره اللي في المقاله السابقه
لاعتقد ان الله ينزل علينا الغضب و اللعنه!
و لكنها رحمه السماء اننا نعيش في مصر حيث تحدث هذه الاشياء بصوره طبيعيه منتظمه مدروسه تماما
و كله تحت السيطره و حسب توجيهات معاليك!
طبعا فقاقيع المياه تخرج من الارض و الخير معها
بعد تسفيل الشارع لابد ان يتخرم تاني و يعاد تسفيله
فلتحل لعنه الله علي كل مسئول في هذا البلد لا يراعي الله ثم ضميره ثم ما يملي عليه واجبه تجاه هذا الشعب الغلبان المستكين الامن برحمه الله عز و جل
ليست هناك تعليقات:
إرسال تعليق