الطرق

الطرق في مصر :-
ان مستوي رقي اي دوله مهما كان وضعها يقاس بسهوله الانتقال داخلها سواء للبشر او البضائع و الحمد لله احنا درسنا و احنا في الابتدائي حلاوه المواصلات في مصر و سهولتها و يسرها و اتساع مجالاتها من نقل بري او نهري او جوي او بحري .
المهم انا عاوز اتكلم النهارده عن الطرق في مصر والسبب اللي خلاني اعمل كده هو ان قبل يوم 15-6-2007 كنت فاكر ان طرقنا مفيش زيها و اللي انت عاوزه اعمله المهم في اليوم ده انا سافرت الي الولايات المتحده الامريكيه و طبعا وصلت للبلد ب الليل ومشوفتش اي طرق عشان كان طالع عيني من السفر الطويل , وبعدين بعد يومين بدات انزل البلد و ساعتها شوفت حاجات غريبه ايشي حارات والناس ملتزمه بيها و حاجه اسمها ستاب ساين (Stop Sign) ده غير الاشارات الالكترونيه الموجوده في كل حته و كمان لوحات ارشاديه بحدود السرعه (Speed Limit) يعني الشارع ده مثلا سرعته 45 ميل في الساعه ومحدش بيشتكي و الناس كلها ملتزمه , لأ وكمان جنب كل مدرسه عمود فيه لمبه صفرا مبتقدش الا لما ساعه دخول و خروج المدارس و دي السرعه عندها بتوصل لـ 15 ميل اداميه بقي .
طبعا لما سقت هناك معرفتش اخلي العربيه في وسط الحاره وكانت بتتطوح مني كأني سكران , بس اتعودت بعد شويه .
فايده الـ ستاب ساين ان في وجود التقاطعات او طريق رئيسي متقاطع مع فرعي في عدم وجود اشارات ضوئيه يتم وضع الـ ستاب ساين اللي بتنظم عمليه دخول الطريق الرئيسي من الفرعي ومكانها عند الناصيه او القاطع بالظبط وساعت ما العربيه تيجي عند الـ ستاب ساين يتم الوقوف تماما (Fully Stop) و النظر يمينا ويسارا ثم العبور الي الجهه اللي عاوزنها.

طبعا الكلام البسيط ده مش موجود في بلد الامن و الامان لان احنا بنتفلسح ( من فعل فلحوس ) علي كل حاجه و احنا وحوش الاسفلت و الحلوه تفاحه للسفر و السياحه و لو باض الديك هعديك و الكلام ده كله اللي بنقراه علي الميكروباص و التوك توك .
وفي الاخر نلاقي النتيجه 20 قتيل و 500 مصاب في حادث تصادم توك توك بـ توك توك اخر
و الاخبار تسَرخ و الاهرام تنعي و الجمهوريه تسَب و تلعن ام السرعه الجنونيه و رعونه السائقين اللي خلت الناس دي تموت و نسيب بقي كل حاجه زي :-
1- فين الحارات الواضحه علي الطريق.
2- فين ادارات المرور المسئوله عن تعليم الناس طرق القياده الصحيحه و الارشادات و العلامات الضوئيه.
3- فين القانون وتطبيقه و الالتزام بالحارات و الاشارات .
4- الناس اللي بتمشي عكس الاتجاه اللي بتعرض حياتها للخطر و حياه الاخرين فين القانون اللي بيعاقبهم ( هناك في امريكا
عقوبه اي حاجه زي عكس الاتجاه او الحزام او كسر اشارات المرور او موقفتش في الـ ستاب ساين الحبس حسب الفعل
المرتكب او سحب الرخص لمدد طويله او اعاده ارسال الجاني الي مدرسه القياده من جديد )
و اعتقد ان انا عندي بعض الحلول وهي :-
1- تفعيل قانون لا يرحم اي مخطئ حتي لو كان وزير.
2- بناء مدن مروريه محاكيه للطبيعه .
3- تفعيل طرق جديده لتعليم القياده من اشارات و حركه و ذوق و اخلاق من خلال امتحانات
عملي و نظري للتأكد من قدره الشخص علي القياده و فهمه للاشارات و حرصه علي تطبيقها.
4- لابد من المتقدمين لرخص القياده الانتساب لمدرسه المرور او الترخيص لبعض المكاتب
المتخصصه بشرط تطبيق المعايير المناسبه للحصول علي قائد سياره محترف.
و مش معقول ان الكلام ده مش مفهوم لان دي اساسيات في اي دوله في العالم . وكمان مش معقول ان دكاتره كليات الهندسه و التخطيط مش عارفين الكلام ده .

وانا عايز خبير يشرحلي الصوره دي..................

الصوره دي علي الطريق الدائري وانا جاي من الفيوم .
انا ماشي ف الحاره بتاعي و قابلني سهم اتجاه في عكس طريقي .
الصوره مهداه الي كل الناس اللي بتسوق في مصر................!!!!!!!!!!!!!!!!!!!؟؟؟؟؟؟؟؟؟؟؟؟؟؟

ميناء الاسكندريه:-

منظر عام للميناء ويوضح بعض القطع البحريه و قصر راس التين

يظهر بالصوره 4 غواصات كذلك العديد من القطع الاخري

جوجل ايرث

الناس كلها اتكلمت في الموضوع ده اللي هو باختصار ان مناطقنا العسكريه المهمه مكشوفه عن طريق البرنامج مش بس لاسرائيل العدو الاول لينا لأ ده للعالم كله وانا واحد منهم . المهم أعدت ادور علي صور للمناطق دي علي الانترنت ملقتش , قمت منزل البرنامج وقعدت ادور لما طلع عيني علشان مكنتش عارف اماكنا العسكريه فين غير اماكن معينه زي مطار طنطا العسكري او قاعده بني سويف او الكليه الجويه ببلبيس . المهم ظبت الارتفاع علي 30 الف قدم ورحت ادور علي الممرات الجويه وسط القري لغايه ملقيت ( طنطا,بني سويف,الماظه,الغردقه,انشاص,المنصوره,شبراخيت,ميناء الاسكندريه) دي كلها مطارات عسكريه البعض كان فيها طيارات واضحه تدريب و مقاتلات وكمان اواكس (استطلاع مبكر) .
انما ميناء الاسكندريه من الواضح اني بتكلم عن السفن و الغواصات
المهم قلت اني لازم اعرض الصور دي مش عشان ابقي خاين او جاسوس لآ علشان نلاقي حل .
1-الماظه
الصوره للاواكس بالقاعده وتلاحظ وجود شئ مثل طبق الدش بجوار ذيل الطائره

اعتقد انها قاذفات تستعد للاقلاع
منظر عام للقاعده

الست المحترمه

دي اللي غنت ماشربت من نيلها راحت الوليات المتحده الامريكيه عشان تولد طفلها حاجه حلوه اوي بعد الاغاني الوطنيه و الحاجات دي كلها اثبتت انها لا مصريه و لا وطنيه و لا حاجه تانيه , اكيد بعد ما الطفل ياخد الجنسيه اكيد هيديها لامه .
فين بقا الانتماء و كل الحاجات اللي بنسمع عنها في مصر .
البقاء و الدوام لله وحده
( الواضح ان اخر الاخبار بتقول انها ولدت هنا في مصر اعتقد ان بعد الناس ما اتكلموا عليها رجعت في كلامها )
كلمه اخيره
تتربي في عِزك

شريف مدكور

هو احد الصور المصريه الحديثه في التليفزيون و ان كان يعمل في قناه الاسره و الطفل من بدايتها . وبسبب اسلوبه الحلو اعجب به الاف بل يمكن القول الملايين من المصريين نساء و رجال واطفال و بنات .
يعد برنامج من كل بلد اكله هو البرنامج الذي حقق الشهره و المجد فقد كان بوابه انضمامه لصباح الخير يا مصر.
و ان كنت بعد هذا الكلام مختلف معه في بعض الاشياء :-
1- يجب عليه التخلص من مسيوو نبيل لانه لا يقدم اي شئ غير اكله لذيذه ومغذيه وتناسب كل افراد الاسره .
2- يجب عليه التخلص من الفاشل السريع لانه يصيبني بالدوار ومعاد يوميا ومكرر يمكن اكتر من مره في الحلقه الواحده و مبيقدمش حاجه مفيده غير شويه اغاني محدش فاهم منها حاجه.
3- يجب عليه الحد من تركيز الكاميرا عليه اثناء المداخلات التليفونيه خصوصا مع الشيف الحلو شربيني لانه بيشتغل و المخرج سايب الطبخ و مركز مع شريف و شربيني مبيقولش بيعمل ايه.
4- يجب عليه التخلص من بدعته الجديده وهي النصائح التي يقدمها في بدايه كل حلقه مثل موضوع الحضري او الشباب اللي بيشاركوا خط النت , لان ده برنامج طبخ مش talk show وهو ممكن يعمل كده في برنامج صباح الخير يا مصر.
5- علي المصورين و المخرج ملاحظه ان الطبخ حركته سريعه فعليهم الحركه بحريه اكثر و ترك حامل الكاميرا وتوقع اتجاه حركه الشيف.
هذه بعض النصائح لشريف مما يجعله باذن الله في مقدمه المذيعين بماسبيرو وعقبال منشوفه في نشره الاخبار؟
علي فكره انا بتابع البرنامج يوميا خصوصا الشيف حسن , يسري , شربيني .

صوره من داخل طائره لمصر للطيران

هذه الصورتان من داخل حمام الطائره نفرتيتي Boeing 777-200 القادمه من من نيويورك الي القاهره . يوم 19-10-2008 .

طبعا مسخره ان الحمام كده لأ وكمان كانت رحته تقرف .

اهداء للسيد الاستاذ الدكتور اللواء \ احمد شفيق