الشباب دعي للثوره! الشعب شارك في الثوره! الجيش حمي الثوره (زي ما الناس و الاعلام و المنافقن و اللي بيلحسوا قالو)!
المجلس العسكري مبارك فوضه لاداره شئون البلاد
مبارك هو من يعين المجلس العسكري و يرقي لواءاته و يجعل المشير مشيرا و الفريق فريقا
اعضاء المجلس العسكري: المجلس العسكري سيضمن انتخاب رئيس مدني لمصر
جميل اوي
رئيس مدني جديد لمصر؟
سؤالي يا مجلس يا عسكري انتم ايه ظروفكوا ان شاء الله بعد ما سياده الرئيس الجديد يجي يمسك الحكم؟
موقفك هيبقي ايه يا طنطاوي؟
هتفضل وزير دفاع زي ما انت و الرئيس الجديد و رئيس الوزراء مش هيعرفوا يغيروك؟
موقفك هيبقي ايه يا عنان؟
هتفضل رئيس اركان زي ما انت؟
هو ده السؤال الل محدش قدر يساله و لا حد عارف اجابته لغايه دلوقتي
دستوريا حتي الان رئيس الجمهوريه هو رئيس المجلس الاعلي للقوات المسلحه؟ هو من يعين وزير دفاعه و اركانه و يرقيهم و يختار من يشاء منهم
ايه اللي ممكن يحصل لو الرئيس القادم قام بتغيير طنطاوي في اول وزراه في حكمه؟
ايه اللي ممكن يحصل لو الرئيس اختار رئيس اركان جديد؟
هل الناس دي هتتقبل التغيير علي اساس انها ادت دورها في الفتره الحاسمه و هتقول كفايه نستريح؟
و لا هيصبحوا من اصحاب مراكز القوي في البلد من جديد و غير قابلين للمساس بالتغيير او المعاش او الاقاله ن مناصبهم؟
ليه مبيقولوش ايه اللي هيعملوه بعد انتخاب رئيس للجمهوريه؟
