الجمعة، 24 ديسمبر، 2010

Egyptian Driving Test اختبار القياده في مصر

هكذا هو الحال لاستخراج رخصه القياده الخاصه بك
بمجرد عبورك للقراطيس السته للامام مره و الخلف مره, تكون نجحت في اختبار المرور و نزيدك شرفا بان تحمل رخصه قياده صالحه
لمده 10 سنوات من تاريخه.

هل بهذا الاختبار تُحدد قدرتك العقليه و النفسيه و الانفعاليه علي القياده في شوارعنا المزدحمه الفوضويه تماما

هذا الاختبار هو المرحله الاخيره من اختبارات المرور التي تبدأ
1- بتعلم القياده و اتقانها مع التاكيد علي معلمك بتجربه هذه الشعوذه قبل دخولك امتحان الرخصه
2- الحصول علي شهادات طبيه باطنه و نظر بدون التوجهه الي اي عياده 50 جنيه تكفي لاي كشك خارج مبني المرور
3- الحصول علي الدمغات و اوراق الاورنيك الخاصه بالرخص مع ختمها من الضابط المسئول
4- التقدم الي امتحان الكمبيوتر الذي تكفي الواسطه فيه بان يخبرك الممتحن عن رقم الاجابه الصحيحه و ما عليك الا الضغط علي الزر
الحصول علي وصل ب 20 جنيه لامتحان القياده
5- التقدم لامتحان القياده (و غالبا لو كنت تبع مدرسه القياده بالمرور يقوم الممتحن بتسيير السياره بدل منك لان السياره مجهزه ببدالات للبنزين و الفرامل و الدبرياج بالكرسي الذي بجانب السائق)
6- يراعي ان لا تخبط القراطيس لان الممتحنين يعتبروها بني ادمين في الواقع و ان لا تبطل السياره منك فهذا دليل علي عدم حرفتك بالقياده
7- بفرض نجاحك يقولون لك تعالي بكره حتي تتصور صوره الرخصه و الف مبروك لحضرتك


بعد هذا و الوسايط و المعارف تحصل علي رخصتك في قتل الناس و تدمير الممتلكات سيارتك كانت ام سياره الغير او انك تخبط عمود نور يقع في الشارع و يعمل ماس كهربائي و يولع في الشجره اللي جنبه

السؤال الاساسي هو ازاي الامتحان ده يؤهلك انك تقود سيارتك وسط الناس بدون مشاكل
و النتيجه مصر من اعلي الدول في العالم وفيات و اصابه من حوادث الطرق المختلفه
التي يعوزون اسبابها الي اكيد السرعه الجنونيه و رعونه السائقين

هو اصلا في طرق عدله عشان الواحد يعرف يسوق فيها زي البني ادمين اللي في العالم او حتي دبي

المهم اتفرج علي الفيديو و تحسر علي مصير بلدنا الذي لن يتغير ابدا ابدا ابدا



هناك تعليق واحد:

غير معرف يقول...

مصر من أعلى الوفيات؟
مين قالك كده انت كنت شوفت وفيات الحوادث برة؟
مافيش أعلى من وفيات حوادث دول الخليج يا أخي الكريم وأكثرها السعودية رغم نظافة الشوارع والزحمة مش زي مصر